Долг беше патот и долги беа подготовките за нашиот специјален дописник да стаса до Полска и денес ќе се обиде да влезе во Лвов во Украина градот кој е најмалку под руски напади засега.

-Од она што успеав да го забележам засега се доброволци од различни земји кои одат да се вклучат во борбата на украинска страна. Некои оод нив велат дека се воени ветерани. Еден од нив е од Чиле, вели дека сака да се бори против Путин но дека има и лична причина бидејќи му загинал пријател во Украина, вели нашата репортерка Кристина Атовска.

Таа додава дека Краков во Полска е подготвен за приливот на бегалци од Украина, а има и лица кои пристигнале буквално без ништо, без документи, без облека. За нив градот Краков обезбедува помош. Краков е град на хуманоста и низ цел град има билборди на кои пишува „Има работа за Украинци“. Сите се обидуваат да им помогнат на бегалците, известува Кристина Атовска.

Проследете го целиот разговор во видеото