ВИДЕО: Наполи и Елмас остануваат перфектни во Серија А

Виктор Осимен игра фантастично на почетокот од сезоната, на шест натпревари постигна шест гола/Џенова, Италија/23 септември 2021 година/фото: 23 September 2021. EPA-EFE/LUCA ZENNARO

Екипата на Наполи за која настапува и македонскиот репрезентативец Елиф Елмас, се наоѓа во фантастична форма на стартот од сезоната и по пет кола има максимален учинок.

Последна жртва на Наполи е Сампдорија која пред своите гледачи е совладана со убедливи 0:4.
Резултатот го отвори Виктор Осимен уште во 10 минута, а до крајот на првото полувреме, Наполи со благодарение на голот на Руиз во 39 минута поведе со 0:2.

И во второто полувреме, лидерот на табелата постигна два гола, првиот преку Осимен, додека конечниот резултат го постави Зјелински во 59 минута.

Елмас средбата ја започна од клупата за резервни играчи, и во 68 минута влезе во игра на местото на стрелецот на последниот гол, Зјелински.

Наполи ќе има одлична шанса и по шестото коло да го задржи максималниот учинок бидејќи на домашен терен игра со Калјари кој е претпоследен на табелата со само два бода.

Екипата на Лацио по двете победи на стартот влезе во мини криза и веќе три натпревари е без тирумф. Вечерва лацијалите среќно дојдоа до бод на гостувањето кај Торино играјќи 1:1.

Торино поведе со голот на Марко Пјаца, а Лацио дојде до бод со голот од пенал на Чиро Имобиле во 91. Минута.

Видео на денот