Најмалку 18 лица загинаа по лизгање на земјиштето предизвикано од обилните дождови минатата недела во две провинции во Централна Јава, Индонезија, додека продолжуваат спасувачките операции за десетици исчезнати лица кои сè уште се закопани под земја, пренесува Ен-би-си њуз.

Според агенцијата за управување со катастрофи, лизгање на земјиштето во градот Чилакап во четвртокот, на 13 ноември затрупа десетина куќи во селото Чибеунинг.

Напорите за пребарување и спасување се тешки бидејќи луѓето беа затрупани на длабочина од 3 до 8 метри.

Како што се гледа на видео од каналот KompasTV, во Чилакап биле користени багери за да се копа низ почвата и да се лоцираат исчезнатите.

A major landslide hit Situkung Hamlet in Pandanarum Village, Pandanarum Subdistrict, Banjarnegara, Indonesia, this afternoon (Nov 16). Rescue teams are currently on-site managing emergency response efforts.

In a separate earlier incident, four days after another landslide,… pic.twitter.com/RBt0TDUZLH

— Weather Monitor (@WeatherMonitors) November 16, 2025

Друго лизгање на земјиштето во округот Банџарнегара во саботата одзеде два живота, а 27 се водат како исчезнати, соопшти агенцијата за катастрофи во понеделник. Исто така, беа уништени до 30 куќи и фарми.

Според метеоролошката агенција, сезоната на дождови во земјата од југоисточна Азија започнала во септември и се очекува да трае до април, со висок ризик од екстремни врнежи од дожд и поплави.