Градоначалникот на ОУ „Љубен Лапе“, Тимчо Муцунски во изјава за Слободен печат вели дека подолго време ја предупредувал директорката на училиштето „Љубен Лапе“ дека е време да преземе нешто во врска со настаните во училиштето.

– Јас бев запознаен со однесувањето на наставничката по математика и постојано и сугерирав на директорката да преземе конкретни мерки со кои ќе го спречи непристојниот однос на наставничката кон учениците. Наместо тоа, таа ова наставничка ја преместуваше од едно во друго одделение, за на крај да ескалира ситуацијата. Ние како општина не смееме и нема да се мешаме во тоа што таму се случува. За наставниот кадар надлежен е просветниот инспекторат и Министерството за образование и наука. Директорката на училиштето ме информираше дека си поднела оставка од функцијата и јас во текот на денот ќе морам да именувам нов в.д. директор кој ќе треба да најде решение за состојбата, рече Муцунски.

Тој нагласува дека имал и неформални средби со родителите во обид да се најде решение за проблемот.