ВИДЕО | Можност да станете сопственик на имресивен замок и 4,5 хектари лозје : На продажба швајцарски дворец стар 800 години
Еден швајцарски дворец е понуден на продажба. Станува збор за замокот „Château Le Rosey“ стар 800 години.
Дворецот нуди поглед на селото Бурсен, кое се наоѓа помеѓу Женева и Лозана, а нуди поглед и на Мон Блан и езерото Леман, пренесува „Дејли меил“.
Во внатрешноста на замокот се наоѓаат 10 спални соби и 8 купатила, а неговата површина изнесува 2.656 метри квадратни.
Трпезаријата може да прими до 60 гости, импресивно е декорирана, а има готски камин и под од теракота.
На имотот може да се ужива и во виното, затоа што поседува 4,5 хектари лозје и вински подрум за чување на вина и за дегустација
Има многу простори за одмор и релаксација, вклучувајќи и приватен спа со турско купатило, базен, кревети за масажа и лежалку.
Дворецот ќе се продава на аукција на 7 октомври, а понуди ќе се примаат од сите делови на светот.