ВИДЕО: Милвоки се избори за мајсторка, Мидлтон и Јанис го срушија Бруклин
Милвоки бакс го совлада Бруклин нетс со 104:89 со што израмни на 3:3 во победи во полуфиналето од плеј-офот во Источната конфереција и се избори за мајсторка. Милвоки одлично го отвори натпреварот, веќе во првата четвртина направи двоцифрена предност (18:5) која ја одржуват до крајот на полувремето.
Во третата четвртина, Бруклин предводен од Кевин Дурент негативата од 14 поени ја намали на само пет (72:67), но Крис Мидлтон и Јанис Адетокумпо имаа одговор и со своја мини серија од 10:0 повторно направија двоцифрена предниот. Последниот обид на Бруклин да се врати во игра кога дојде до 82:77, беше одбиен со нова серија од 14:0 со што беа решени дилемите околу победникот и Милвоки се избори за мајсторка.
– Не чувствувавме никаков притисок, ова е кошаркарски натпрвеар. Знаеме што ќе значеше пораз, но ова е спорт и треба да се ужива во него – изјави Мидлтон кој со 38 поени беше најпрецизен на натпреварот, а воедно и постави рекорд на кариерата во плеј-офот. Јанис Адетокумпо имаше дабл-дабл од 30 поени и 17 скокови.
Кај Бруклин, најефикасен беше Кевин Дурент со 32 поени и 11 скокови, додека Џејмс Харден постигна 16 поени. Одучувачкиот седми натпревар ќе се игра во недела од 2.30 часот, а домаќин ќе биде тимот на Бруклин.