ВИДЕО: Манчестер сити го елиминираше Челси, од Лига купот испаднаа Арсенал и Тотенхем
Беа одиграни уште осум натпревари од 1/16 финалето во англискиот фудбалски Карабао куп, или ако сакате Лига куп.
Фудбалерите на Манчестер сити во дерби натпреварот на оваа рунда рутински го совладаа Челси на домашен терен со 2:0. Сите дилеми беа решени во второто полувреме, кога во период од пет минути по еден гол за „граѓаните“ постигнаа Хулиан Алварес и Ријад Марез.
Испаднаа уште два гиганти од Лондон, Тотенхем е елиминиран од Нотингем форест со 2:0, додека Арсенал со 1:0 дома загуби од Брајтон.
Ливерпул не дозволи изненадување иако потешко од очекувањата успеа да го совлада Дерби на својот „Енфилд“. Немаше голови во регуларните 90 минути, а во пенал серијата играчите на Јирген Клоп славеа со 3:2.
Во останатите мечеви: Њукасл – Брајтон (0:0, 3:2 пенали), Саутемптон – Шефилд Веднздеј (1:1, 6:5 пенали), Вест хем – Блекбурн (2:2, 9:10 пенали) и Вулверхемптон – Лидс 1:0.