ВИДЕО: Манчестер јунајтед мораше да се спасува од пораз против Лидс во Премиер лигата
Манчестер јунајтед по 13 последователни победи во своите натпреварувања на „Олд Трафорд“ остана без победа на домашен терен, одигра само нерешено против Лидс со 2:2 во одложениот натпревар од осмото коло во Премиер лигата.
Веќе во 56 секунда студен туш за повеќето навивачи на „Олд Трафорд“. По додавање на Бамфорд, Нјонто со прецизен удар го совлада Де Хеа, за водство на Лидс. На стартот од второто полувреме Самервил во 48 минута по пробивањето по левата страна се обиде да ја испрати топката на петерецот, а Варан ја затресе сопствената мрежа за 0:2.
Во 63 минута „црвените ѓаволи“ се вратија во мечот. Дало одлично нафрли од левата страна, Рашфорд беше највисок во скокот, со глава го совлада Мелије – 1:2. Само две минути подоцна гостите можеа повторно да дојдат до предност од два гола, но Аронсон од голема далечина ја погоди стативата.
По само 11 минути игра репрезентативецот на Англија Санчо постигна израмнувачки гол. Рашфорд имаше одлична шанса во 87 минута да направи целосен пресврт, но голманот на Лидс успеа да го одбрани неговиот удар од пет метри.
На табелата Манчестер јунајтед е на третата позиција со 43 бодови, зад Арсенал (50) и Манчестер сити (45), додека Лидс е засега во безбедната зона на 16 место со 19 бодови. Лидс и Манчестер јунајтед ќе се сретнат повторно за четири дена овојпат на „Еланд роуд“.