ВИДЕО: Ливерпул убедливо го надигра Брентфорд, Салах се врати со гол и асистенција
Фудбалерите на Ливерпул победија на гостински терен Брентфорд со 4:1, во натпреварот од 25 коло во Премиер лигата.
По подолг период настап за „црвените“ имаше една од најголемите ѕвезди во тимот, Мохамед Салах кому ова беше прв меч по враќањето на теренот откако настапуваше за репрезентацијата на Египет, а потоа беше и повреден.
Во 35 минута Дарвин Нуњез погоди за Ливерпул, а Алексис Мекалистер го удвои водството во 55. минута по асистенцијата на Салах кој потоа во 68 минута се запиша и во листата на стрелците.
Седум минути подоцна единствениот гол за Брентфорд го постигна Иван Тони, а конечниот резултат го постави Коди Гакпо во 86 минута.
Ливерпул е прв на табелата со 57 бодови, пет повеќе и два натпревари повеќе од Манчестер Сити, додека Брентфорд е 14-ти со 25 бодови. Брентфорд во следното коло ќе гостува кај Манчестер сити, додека Ливерпул ќе го пречека Лутон.