Екипата на Фрајбург можеше да дојде до својот прв трофеј во историјата, исто како и Лајпциг, а на крајот славеа играчите на Доменико Тедеско после пенал серијата.

На Олимпискиот стадион во Берлин во финалето од Купот на Германија Фрајбург имаше гол и играч повеќе, но не ја искористи ваквата предност, Лајпциг на крајот излезе како победник по подоброто изведување пенали. Во регуларниот дел беше 1:1, по 120 минути на сила беше истиот резултат, а на пенали играчите на Лајпциг беа подобри со резултат 2:4.

Егештајн го доведе Фрајбург во водство во 19 минута, а во 57 минута Лајпциг остана со играч помалку поради грубиот прекршок на Халштенберг.

Оттогаш па до 120 минута Лајпциг играше со играч помалку, во 76 минута Нкунку успеа да го израмни резултатот, а потоа во продолжение немаше голови.

Фудбалерите на Фрајбург имаа и повеќе од играта, неколку сериозни шанси, но не постигнаа гол. Во ударите од белата точка поуспешниот Лајпциг, ги искористи сите четири пенали и така го освои првиот трофеј во историјата.