Украинскиот министер за одбрана Иван Федоров испрати остро предупредување до Москва, тврдејќи дека украинската кампања со беспилотни летала веќе дава конкретни резултати и дека Крим сè повеќе се изолира од руските снабдувачки правци.

“Crimea will become an island in the near future. Hell is beginning for Russians, and it will be very difficult for them to cope with.” – Ukrainian Defense Minister Fedorov

Previously, Robert “Madyar” Brovdi, Commander of the Unmanned Systems Forces, stated that the Ukrainian… pic.twitter.com/SzaHt6wBlV

— Anton Gerashchenko (@Gerashchenko_en) June 17, 2026

Федоров во неодамнешно интервју изјави дека со нападите со дронови се одвива изолација на Крим и дека во блиска иднина полуостровот може да биде претворен во остров, што, според него, би можело да донесе неочекувани последици за Русите.

Украинскиот министер тврди дека руските сили на окупираниот полуостров влегуваат во сè потешка положба. Тој порача дека логистиката е прекината, дека Крим е изолиран и дека слични процеси се случуваат и на истокот.

Неговите најави доаѓаат во период кога украинските сили за беспилотни системи го засилуваат притисокот врз клучните руски правци за снабдување. Нападите со дронови со среден дострел, според украинската страна, сериозно ја нарушиле руската воена логистика и снабдувањето со гориво, поради што окупациските власти на Крим неодамна вовеле ограничувања за потрошувачката на гориво.

Роберт Бровди, командант на украинските беспилотни сили познат под кодното име „Маџар“, изјави за „Ројтерс“ дека со едномесечната кампања со дронови сообраќајот на автопатот Новоросија, важна руска воена рута низ окупираниот југ на Украина кон Крим, е намален за повеќе од две третини.

Бровди тврди дека Украина во рок од еден месец би можела да воспостави целосна контрола врз тој пат. Според него, целта е Крим да биде изолиран, а нападите врз руските возила на оваа делница ги спореди со гаѓање препелици на отворено поле.

Ефикасноста на украинската кампања со дронови ја призна и рускиот претседател Владимир Путин, кој неодамна јавно изјави дека украинските напади предизвикуваат штета, но истовремено тврдеше дека тие не ја загрозуваат руската економија.

Воените аналитичари оценуваат дека овие операции го загрозиле снабдувањето на првата линија на фронтот и отвориле простор за далекудострелни напади врз нафтената инфраструктура во самата Русија.

Стратешката цел на Киев е да создаде услови во кои престојот на руски воен персонал и работници од одбранбената индустрија на привремено окупираните територии ќе стане исклучително тежок. Единиците на Бровди сочинуваат само два и пол проценти од украинските вооружени сили, но според украинските податоци, бројот на нивните мисии со среден дострел пораснал 28 пати за една година.

Украинската страна тврди дека дроновите се одговорни за околу една третина од вкупните руски загуби во последната година.

Извештаите од командните центри во близина на фронтот покажуваат дека војната сè повеќе се сведува на прецизна обработка на податоци. Секој напад се снима, проверува и евидентира, а дневно се архивираат меѓу 10 и 12 терабајти податоци, кои во иднина би можеле да се користат за модели на вештачка интелигенција.

Бровди, кој пред војната бил трговец со жито, вели дека станува збор за своевидно книговодство од претходните деловни проекти, приспособено за воена употреба. Наместо жито, вагони и транспорт, сега во евиденцијата се оружје и муниција.

Според неговите пресметки, украинските беспилотни сили во првите пет месеци од 2026 година убиле повеќе од 50.900 руски војници, а просечната цена за ликвидација на еден руски војник ја проценил на околу 918 долари.

Воените експерти, сепак, предупредуваат дека иако технологијата на дронови може долгорочно да овозможи отсекување на Крим, за целосно протерување на руските сили од полуостровот на Украина на крајот ќе ѝ биде потребна голема и координирана копнена офанзива.

ВИДЕО | Русија воведува ограничувања за дронови и лесни летала околу Москва – погодете зошто!