Фудбалерите на Јувентус тешко и со многу среќа стигнаа до важна победа над Аталанта во Бергамо од 1-0 со која се искачија на четвртата позиција пред Комо во борбата за место во Лигата на шампионите.

Аталанта во текот на целиот натпревар беше подобар противник на теренот имаше поголем посед на топка, упати над 20 удари, но ниту еден не заврши мрежата.

Од друга страна Јувентус до победата дојде со еден гол од малку комична ситуација на стартот од вториот дел. Тогаш Холм нафрли, голманот на Аталанта лошо го процени летот на топката, а Бога кој иако не шутираше најдобро успеа да погоди.

Сега, Јувентус е четврти со два бода повеќе од Комо кој утре го игра натпреварто од ова коло против лидерот Интер.