ВИДЕО | Јовановска: Гарванлиев владее со сцената во Ротердам
Впечатокот е дека светот конечно се враќа на старите патеки. За да успее настанот Евровизија, организаторот, градот домаќин и сите вклучени подготвија протокол. Но, не е тешко, бидејќи сите живееме повеќе од година дена со мерките за заштита од ковид-19.
Се чувствуваме безбедно, нѐ тестираат на секои 48 часа. Маска мора да се носи во затворениот простор, дистанцата мора да се одржува, изјави Александра Јовановска, шеф на македонската делегација во Ротердам.
– Шоуто мора да се врати на ТВ екраните и да се покаже на светот дека овие настани се возможни. Вчерашниот ден имавме генерална проба. Арената беше полна со 3 500 публика, што не е цел капацитет, но да видите публика на шоуто беше навистина одлично. Музиката треба да победи, но сите се победници бидејќи успеавме сите да се обединиме заедно и да го вратиме шоуто, вели Јовановска.
– Васил е неверојатно силна личност, еден огромен професионалец, владее со сцената, со огромно интенационално искуство. Максимално е вложен во целиот процес, има визија и концепт. Лесно е да се работи со човек како што е Васил. Мал, но компактен тим сме. Настапот ќе биде класичен, елегантен, можеби минималистички, но сцената е полна, бидејќи Васил владее со сцената, доминира вокално, додава Јовановска.
Целиот разговор погледнете го во видеото: