ВИДЕО: Јокиќ прв стрелец во триумфот над Мемфис, Дончиќ го запиша 75 трипл-дабл во кариерата
Кошаркарите на Денвер го совладаа Мемфис со резултат 128:103 во НБА лигата, а најефикасен играч на мечот беше Никола Јокиќ кој оствари дабл-дабл учинок. Српскиот центар на Нагетси го заврши натпреварот со 29 поени, 11 скокови и осум асистенции.
Во тимот на Гризлис прв стрелец беше Ламар Стивенс со 19 поени, а два помалку запиша Скоти Пипен јуниор. Денвер, актуелниот НБА шампион, моментно води во Западната конференција, пред Оклахома Сити Тандер, а Мемфис е на 13 место.
Лука Дончиќ, играчот на Далас, го запиша својот 75 трипл-дабл учинок во кариерата, ја водеше екипата до победа на гостувањето во Солт Лејк Сити против Јута со 115:105.
Словенецот во дресот на Маверикси имаше 29 поени, 12 скокови и 13 асистенции, за четврта победа по ред на Далас, но и осма во низа во натпреварите кои не ги пропушти Дончиќ.
Значаен придонес во триумфот имаше и Кајри Ирвинг со 27 поени, а кај „џезерите“ доминираа Лаури Марканен со 34 поени (седум скокови) и Џон Колинс со 21 поен и 11 скокови. Далас е на шестото место во Западот со биланс 42-29, додека Јута е на 12 позиција (29-43).
НБА лига, резултати –
Кливленд – Шарлот 115:92
Атланта – Бостон 120:118
Њујорк – Детроит 124:99
Торонто – Бруклин 88:96
Чикаго – Вашингтон 105:107
Хјустон – Портланд 110:92
Сан Антонио – Феникс 104:102
Денвер – Мемфис 128:103
Јута – Далас 105:115
Сакраменто – Филаделфија 108:96
ЛА Клиперс – Индијана 116:133