ВИДЕО: Јокиќ го запиша 50 „дабл-дабл“, Дончиќ во сенка на Џулијус Рендл!
Тимот на Њујорк на гостувањето го надигра Далас со 117:109 и дојде до 30 победа во НБА сезоната, а беше предводен од Џулијус Рендл. Играчот на Никси за 41 минута на паркетот забележа 44 поени, 10 скока и седум асистенции, а значаен придонес имаше и Ар Џеј Берет со 24 поени и осум скока.
На спротивната страна во редовите на Маверикси доминираше Кристапс Порзингис со 23 поени и 12 скока, а Лука Дончиќ мечот го заврши со 22 поени, 19 асистенции и осум скока.
Денвер убедливо го совлада Хјустон со 128:99 на домашен терен, а српскиот центар Никола Јокиќ ја продолжи сериата на одлични игри. Го запиша и 50 „дабл-дабл“ учинок во сезоната и уште еднаш докажа зошто конкурира за признанието најкорисен играч (МВП).
Постигна 29 поени, со шут од игра 10/12, додаде 16 скока и седум асистенции. Кај Рокетси прв стрелец беше Канаѓанецот Олиник со 23 поени (шест скока).
НБА лига, резултати –
Детроит – Оклахома 110:104
Филаделфија – ЛА Клиперс 106:103
Вашингтон – Њу Орлеанс 117:115
Бруклин – Шарлот 130:115
Торонто – Орландо 113:102
Чикаго – Мемфис 115:126
Хјустон – Денвер 99:128
Минесота – Мајами 119:111
Сан Антонио – Портланд 106:107
Далас – Њујорк 109:117
Табела, Источна конференција –
1.Филаделфија Сиксерс 39-17
2.Бруклин Нетс 38-18
3.Милвоки Бакс 35-20
—
Табела, Западна конференција –
1.Јута Џез 42-14
2.Феникс Санс 40-15
3.Лос Анџелес Клиперс 39-19
—