ВИДЕО ИНТЕРВЈУ | Методи Хаџи-Јанев: Безбедноста и мирот се скапи работи
Да се сочува мирот посебно во услови кога малициозните актери демнат од сите страни и начинот кој што го прават тоа е опасен, бара од оној кој што го обезбедува тој мир и целото социјално живеење во една држава да вложува пари. Имајќи на ум дека работите на глобалната карта се движат во насока која засега е опасна за човештвото, разумно е да вложуваме во безбедноста. Ова го истакна универзитетскиот професор Методи Хаџи-Јанев во емисијата „Утрински печат“ коментирајќи го рекордниот предлог-Буџет за 2023 за Министерството за одбрана преставен вчера од министерката Славјанка Петровска и премиерот Димитар Ковачевски кој според најавите ќе овозможува развој на Армијата, повисок стандард на војниците и безбедна држава.
– Она што треба да се увиди е колку од овој буџет всушност и ќе се реализира. Постои пракса во изминатите 30-тина години да одредени буџетски средства не се реализираат, што заради внатре партиски побарувања или враќање на парите назад во буџетот за да се користат за други работи и што заради неукост на луѓето кои што работат на тендери – истака професорот Хаџи – Јанев.
Познавачот на безбедносните случувања Хаџи-Јанев објаснува дека во секој случај за поздравување е зголемувањето на финансиите за потребите на одбрана.
– Паралелно со одредувањето на буџетот за одбрана за следната година многу важно е како тој ќе биде реализиран – истакна кратко Хаџи-Јанев.
Универзитетскиот професор во гостувањето на „Утринки печат“ зборуваше и средбите на украинскиот претседател Зеленски со американскиот претседател Џо Бајден во Белата Куќа. Говореше и за тоа кои се неговите предикции за воените дејствија на фронтот во Украина но и анализираше за тоа колку Македонија е платежно способна во однос на другите НАТО земји членки.