Голема група навивачи на Црвена звезда уште вчера допатуваа во Малме, каде што белградскиот клуб денеска го игра натпреварот од Лига Европа, а престојот беше обележан и со инцидент кој брзо се прошири на социјалните мрежи.

Во јавноста се појави видео-снимка на која се гледа како приврзаници на „црвено-белите“ физички напаѓаат лице кое лежи на земја. По кратко време на местото на настанот пристигнала полицијата, по што учесниците во инцидентот се дале во бегство.

21.01.2026, Malmö FF🇸🇪 – FK Crvena Zvezda🇷🇸, Delije fighting in Malmö before tomorrow match, click here for more: https://t.co/GrzTF2AiFH

All in one place. Tap to download.
🔗 https://t.co/FXnrFRp1rX pic.twitter.com/jflKx01Paj

— Hooligans.cz Official (@hooliganscz1999) January 21, 2026

Засега нема официјални информации со кого точно дошло до судирот, ниту какви се последиците од инцидентот. Дополнителен проблем за шведските безбедносни служби претставува и фактот што во Малме во исто време престојуваат и бројни навивачи на хрватската ракометна репрезентација, која вчера во истиот град го одигра натпреварот против Шведска во рамки на Европското првенство.

Совпаѓањето на фудбалскиот дуел меѓу Малме и Црвена звезда со средбите од втората фаза на ракометното ЕП, на кои настапува Хрватска, сериозно ги зголеми безбедносните ризици и претставува голем предизвик за организаторите и локалните власти.