„Небото се отвори, стадионот експлодира“ е историската реченица на коментаторот Милојко Пантиќ со кој го одбележа пласманот на Црвена звезда во финалето на тогашниот Куп на Европски шампиони (сегашна Лига на шампиони). Денеска навршуваат точно 30 години од историскиот успех на Црвена звезда која го елиминира Баерн Минхен и се пласира во финалето.

– Југовиќ, Југовиќ до Панчев, Југовиќ. Просинечки е тука! Просинечки, Михајловиќ со средина! Што е сега ова… 2:2. Гол, гол, гол! Небото се отвори! Стадионот експлодира! Галер го тера раководството на Ц. Звезда од теренот. Тимот на Баер е на тревата. Фудбалерите на Баерн се нокаутирани – се легендарните зборови на коментаторот Пантиќ кажани на 24. април 1991 година.

Црвена звезда во првиот полуфинален натпревар кој се играше во Минхен славеше со 2:1 со головите на Дарко Панчев и на Дејан Савичевиќ.
Потоа следеше реваншот кој се играше на 24 април 1991 година во Белград. Баерн во 90 минута имаше водство од 2:1, резултат кој му гарантираше продолженија, но во последните моменти од натпреварот, по центаршутот на Синиша Михајловиќ, легендарниот играч на германскиот тим, Клаус Аугенталер си даде автогол и ја испрати Црвена звезда во финалето.

“Čitav Bajernov tim je na travi! ” 🔙🔴⚪💪

1️⃣9️⃣9️⃣1️⃣

🔴 ⚪ #fkcz pic.twitter.com/laUcHiYbzW

— FK Crvena zvezda (@crvenazvezdafk) November 24, 2019

Директни учесници во овој успех, но и во финалето во Бари каде Црвена звезда стана европски шампион откако беше подобра од Олимпик Марсеј во пенал рулетот, беа легендите на македонскиот фудбал Илија Најдоски и Дарко Панчев.

– Кога топката влезе во мрежата, ми падна камен од срцето, незаборавно славје. Фудбалот ги цени храбрите и почитуваните. Нашата генерација беше таква, затоа сè ни се врати таа ноќ, а подоцна и во финалето во Бари– изјави неодамна Најдоски за клупската интернет страница на Црвена звезда.