Манчестер сити ја оправда фаворитската улога и против Вест хем попладнево славеше победа од 3-0, а одново главен на теренот беше Ерлинг Халанд.

Резултатот беше отворен по само пет минути игра кога Халанд се запиша во листата на стрелци, продолжи Сити со нападите и по погодокот. Вест хем комплетно беше во подредена улога и констатно се играше пред голот на гостите.

Со таква игра „граѓаните“ постигнаа и втор гол во 38-та минута кога Халанд му асистираше на Рејндерс кој го потигна третиот гол сезонава во Премиер лигата.

Во второто полувреме Вест хем, малку се разбуди создаде по некоја прилика, меѓутоа реализацијата изостана. Конечните 3-0 на 20-тина минути до крајот ги постави Халанд со својот втор гол на средбата.

По овој триумф Манчестер сити ќе го преземе врвот на табелата со 37 бода и таму ќе остане барем до вечерва и натпреварот помеѓу Евертон и Арсенал од 21:00 часот.

На останатитее средби, Бормут и Барнли ремизираа 1-1, Брентфорд на гости се радуваше против Вулвс со 2-0, додека Брајтон и Сандерленд одиграа без голови 0-0.

Преземено од: Спорт.ком.мк