ВИДЕО: „Гранде“ Пандев со гол и асистенција против Аталанта!
Денеска во претпоследното 37 коло во Серија А составот на Џенова загуби на домашен терен со 3:4 од екипата на Аталанта.
Во првиот дел гостите водеа со 0:3, по еден погодок запишаа Запата во деветтата, Малиновски во 26 и Госенс во 44 минута од средбата.
Од стартот на вториот дел настапи македонскиот репрезентативец Горан Пандев кој запиша еден гол и асистенција. Најпрвин во 67 минута од пенал намали на 2:4, а во 84 минута асиститираше до Шомуродов за поставување на конечниот епилог.
Џенова веќе го обезбеди опстанокот во најсилното италијанско првенство, моментно е на 14 позиција со 39 бодови. Својот последен меч сезонава ќе го има на 23 мај на гостувањето кај Каљари.
Со овој триумф Аталанта е вториот италијански тим, после Интер, кој обезбеди настап во групите на Лигата на шампионите за следната сезона.