Лавчето Симба, кое на 21 јануари избега од дом на Турчин кој живее во Будва, дури денеска е пронајдено и сместено на безбедно.

Симба бил пронајден во куќа во село во близина на црногорскиот приморски граф, на тешко пристапен терен.

Лавчето беше на „слобода“ дваесетина дена, а експертите беа загрижени дека доколку не се пронајде, тоа би можело да живее и расте во близина на населени средини, а за само неколку месеци ќе беше доволно големо за да напаѓа домашни животни и луѓе.

Во потрагата која почна пред неколку недели, а беше засилена вчера учествувале 60-ина припадници на полицијата, пожарникари, граѓански активисти…

Полицаецот Божо Зец изјави дека го забележал младенчето во куќата во изградба на Жарко Даниловиќ во селото Подострог. Потоа ги повикал претставниците на Агенцијата и на службата за заштита и спасување од Будва, кои го фатиле Симба.