ВИДЕО: Гестот на Халанд не му се допадна на Пеп Гвардиола
Екипата на Манчестер сити ита кон одбрана на титулата во Премиер лигата, откако во саботата на „Етихад“ беше совладан и Лидс со 2:1. Менаџерот на „граѓаните“ Пеп Гвардиола по мечот го изрази своето незадоволство од потегот на Ерлинг Халанд, иако Норвежанецот сакаше да биде несебичен.
„Граѓаните“ водеа благодарение на двата гола на Илкај Гундоган, а потоа во 84 минута беше досуден пенал кој според првичниот план требаше да го изведе Халанд. Норвешкиот напаѓач реши да му ја предаде топката на Гундоган за да го комплетира хет-трикот. Но, Германецот не реализираше од белата точка, а во следниот напад Лидс намали на 2:1 преку Родриго.
– Да постигнеше гол Гундоган, сè ќе беше во ред. Хет трик, супер, одиме понатаму…Но, изведувач е изведувач. На 2:0, особено во Англија, никогаш не е готово. Не е ситуација да заборавиш кој изведува пенали, тоа не е дозволено – рече Гвардиола.
Доколку резултатот беше 4:0 на 10 минути до крајот на средбата, тогаш сè беше во ред за Шпанецот.
– Сакав пеналот да го изведе играчот кој нормално го прави тоа. Тоа значи Халанд или Марез. Сепак, и оваа ситуација покажува каков е Ерлинг. Сакаше да го израдува својот соиграч, покажа дека соиграчите му се многу важни. Го почитувам тој потег на Халанд, но требаше да го изведе пеналот, бидејќи е специјалист за тоа – вели Гвардиола.
Pep to Haaland “You have to take it” 😂 pic.twitter.com/Hv4wyKhky6
— The Pep (@GuardiolaTweets) May 6, 2023
Plot: Penalti untuk Man City.
Penalty taker Man City: Erling Haaland.
Kasus: Penalty diberikan kepada Ilkay Gundogan untuk menyelesaikan hat-tricknya.
Hasilnya: Penalty Gagal.Pep Guardiola meneriaki Erling Haaland: "Kudune Kowe Cuk!! Kudune Kowe!"pic.twitter.com/u6Ufv6IC6O
— Siaran Bola Live (@SiaranBolaLive) May 7, 2023
Манчестер Сити и Пеп Гвардиола испишаа историја: Најбрзо до 1.000 гола во Премиер лигата