Во рамките од 15 коло во српското младинско првенство, фудбалерите на младинскиот тим на Црвена звезда убедливо на гости со 7:1 триумфираа над Ушче.

Во составот на Црвена звезда беше македонскиот У21 репрезентативец Матеј Гаштаров кој двапати се запиша во листата на стрелците.

Првиот гол беше вистинско ремек дело од околу 20-25 метри, Гаштаров со прекрасен удар ја затресе противничката мрежа за за зголемување на предноста на 2:0 во 18 минута.

Непосредно пред крајот на првото полувреме, Гаштаров, по грешка на домашната одбрана, во шеснаесетникот нашиот млад репрезентативец стрелаше за 5:0 во 42 минута од средбата.

На табелата во првенството водечка е Црвена звезда со 34 бодови, шест повеќе од второпласираниот ТСЦ. Во следното коло белградските „црвено-бели“ на 29 ноември ќе гостуваат кај Вождовац.