Бошко Јоковиќ до неодамна бил член на обезбедувањето на едно од популарните српски реални шоуа. Неговата исповед во емисијата на „Балкан инфо“ ги остави гледачите без здив, особено оние кои редовно гледаа турбулентни сцени на телевизија, кои според него биле уште полоши зад камерите, а што е најстрашно биле планирани, пренесува „Нова.рс“.

Бошко на почетокот на својата исповед рекол дека целиот проект го замислувал поинаку, додека не почнал да работи на него. На почетокот, сè му било интересно. На крајот на краиштата, тоа биле луѓе кои се веќе познати, а тој замислил дека сите ќе се држат до себе затоа што се на телевизија 24 часа на ден.

„Впрочем, тоа се едни најобични говеда, ние обичните луѓе, ние сме господа за нив“, рекол тој.

За она што се крие зад камерата, тој го раскажал следново: „Многу работи не се видливи таму. Борба, самоповредување. Еве, еден дечко се повреди кога девојка му излезе, типот се повреди сериозно „до коска“, мораше да го зашијат. Двапати го преврзав вечерта, побарав од продукцијата да го однесат да го зашијат, рекоа дека е гребаница и да, ‘ете си го преврзал и тоа е тоа’“.

Но, Бошко објаснил како всушност се случила оваа повреда: „Беше недела, протерување. Од продукцијата ми рекоа да го одведам тој учесник во таканаречената „изолација“ како што знам, бидејќи веќе се претпоставуваше дека неговата девојка ќе испадне и дека ќе има проблем од негова страна, кога неговата девојка ќе треба да го напушти“, вели Бошко и додава дека младиот човек веќе бил затворен во изолација кога слушнал дека девојката излегла.

Тогаш младиот човек побарал да оди во тоалет, но обезбедувањето знаело што ги чека кога ја отвориле вратата. Имено, додека бил во тоалетот се слушнало како се крши нешто, а потоа учесникот побарал помош бидејќи крварел на неговата рака. Обезбедувањето веднаш, според процедурата, ги известило надлежните за тоа што се случило и чекале дополнителни наредби од нив како понатаму.

„Се јавувам и велам дека момчето е тешко повредено, му се гледа коската, му требаат конци, ни велат дека единствено што можеме да направиме е да го преврземе. Тоа значеше дека ако не сакам да го преврзам ќе искрвари… Ама ајде човек е, го преврзав момчето, го пуштија да спие, после 20 минути повторно затропа на вратата, крвта ги пробила завоите…“, се присетил Бошко.

Како што тврди тој делењето на седативи било секојдневна практика во реалното шоу. Бошко вели дека за време на целото реално шоу, не видел ниту еден лекар или психијатар да дојде таму.

„Добивањето седатив функционираше со тоа што секој учесник ќе тропне на вратата и бараше лек, па од продукцијата ќе му дадеа ‘ривотрил’ или нешто друго и тоа беше тоа. Овде не зборувам за лекови кои луѓето ги пиеја за своето срце и веќе имале дијагнози и рецепти, само за седативи кои се делеа на рака“, раскажал Бошко.

Друг проблем било тоа што овие лекови се мешале со алкохол, па тогаш учесниците полудувале и не знале што прават.

„И следниот ден, кога ќе го сретнете тој учесник кој ви направил проблем претходната вечер, тој се извинува затоа што не се сеќава. Додека гледаат на телевизија, луѓето гледаат дека нешто не е во ред, но сите мислат дека тоа е само алкохол. Не е само алкохол, тоа се и апчиња“, забележал тој.

Овој поранешен член на обезбедувањето долго време мислел дека тепачките меѓу учесниците се всушност однапред договорени и дека учесниците сами ги исценирале. Меѓутоа, тој тврди дека членовите на продукцијата се тие што планираат. Друга од омилените игри на продукцијата биле температурните промени во внатрешноста на вилата. Или било премногу топло или премногу ладно.

„Поради играње со температурата внатре во вилата и ненормални промени во неа, луѓето беа болни 10 дена, сите беа со настинки и трески“, тврдел Бошко.

Сексот и хигиената веќе подолго време се тема на секое реално шоу во Србија. А, Бошко ги открива деталите: „Имате учесници кои се капат еднаш на 20 дена. Не е важно дали мирисаат, важно е што облекол преку него, бидејќи телевизорот не го пренесува мирисот. Значи, кога ќе слушнете викање за некој што смрди, тоа е вистинска смрдеа, а не навреда“.

„Во реалното шоу некој има секс секоја вечер. Но, буквално секоја вечер. Едно утро во 6 часот двајца учесници имале секс. Продукцијата повикала една девојка, и ѝ понудила дополнителен хонорар од 150 евра за да им го извади чаршафот на двајцата за да може да се види на камера. Ме испратија со таа девојка во случај некој да ја нападне поради тоа“, открил тој.

„Покрај сè, тоа што продукцијата го нарекува вила, тоа само така изгледа. Внатре смрди бидејќи учесниците фрлаат ѓубре во фиоки, расипана храна има насекаде, истурено млеко… а луѓето го гледаат шоуто и гледаат идоли од учесниците во реалното шоу“, ја завршил исповеда Бошко Јоковиќ.