Пред Окружниот суд Басмани во Москва вчера се појавија сите четворица осомничени за нападот во концертната сала во предградието на Москва, во кој загинаа 137 лица, а 154 се повредени.

Двајца од нив, наведува Скај Њуз, ја признале својата вина за нападот, но сите ќе останат во притвор најмалку до 22 мај.

Како што пренесуваат руските медиуми, осомничените се обвинети за „тероризам“ и им се заканува доживотен затвор.

I presunti terroristi oggi in tribunale a #Mosca. Rachabalizoda Saidakrami Murodali senza un orecchio, tagliato dalle forze di sicurezza russe. E Dalerjon Mirzoev, con evidenti segni di tortura. pic.twitter.com/1nxfDab523

— Marco Fattorini (@MarcoFattorini) March 24, 2024

Пред судот вчера се појавија извршителите на ужасниот чин што го шокираше светот: Далерџон Баротович Мирзоев (32), Саидакрами Муродали Рачабализода (30), Шамсидин Фаридуни (25) и Мухамедсобир Фајзов (19), сите државјани на Таџикистан.

Според руските власти, на сите четворица осомничени Таџикистанци им е одреден притвор најмалку до 22 мај, пред да им се суди.

Руските власти претходно објавија дека се уапсени 11 лица, меѓу кои и четворица напаѓачи.

Бројот на загинатите во терористичкиот напад на салата во предградието на Москва се зголеми на 137, меѓу кои и три деца, соопштија вчера руските истражители, додавајќи дека на местото на настанот пронашле оружје и муниција.

https://www.protothema.gr/world/article/1480487/tromokratiki-epithesi-sti-mosha-varia-traumatismenoi-sto-dikastirio-oi-katigoroumenoi/

Одговорноста за нападот ја презеде џихадистичката група Исламска држава.