ВИДЕО: Без најава утрово се сечеа дрва во Градскиот парк во Скопје

Фото: Принтскрин, 24info.mk

Екипи на ЈП „Паркови и зеленило“ утрово сечеа дрва во Градскиот парк во Скопје, без претходна најава од Град Скопје.

-Град Скопје под чија надлежност е претпријатието, немаше објавено никаква најава дека ќе се сечат дрвја, па оттаму се поставува прашањето „Кој и зошто прави масакр на здрави дрва утрово во Градскиот парк?“, пишува порталот 24инфо.

Според решението издадено од градоначалничката на Скопје од 28.04 годинава, предвидена е сеча само на едно дрво (платан) за кое е утврдено дека е целосно изгорено и постои опасност да падне и да предизвика материјална или друга штета. Оваа проценка ја дале стручни лица од Град Скопје заедно со колегите од ЈП „Паркови и зеленило“ по извршениот увид. Ова решение предвидува на истата парцела од каде е отстрането дрвото треба да се засади нова садница.

Објавите на социјалните медиуми покажуваат дека најмалку 2 дрва се исечени на оваа локација во Градскиот парк.

 

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот