Снимка со вознемирувачки сцени од кафуле во Гостивар денеска е објавена на социјалните мрежи, а на неа се гледа како група луѓе физички се пресметуваат, по што се слушаат и истрели.

Инцидентот, според порталот „Без цензура“, се случил синоќа, на 1 јануари.

На снимката се гледа како избива тепачка меѓу двајца луѓе и повеќемина гости во кафулето. Во еден момент, еден од учесниците во тепачката вади пиштол, а во мешаницата јасно се слушаат четири истрели, додека луѓето во локалот панично бегаат.

Инцидентот не беше забележан во денешниот полициски билтен и нејасно е дали тој воопшто е пријавен во полиција. Според неофицијални информации, пукачот е 17-годишно момче, кое имало германски пасош.