ВИДЕО: Бејл како во старите добри времиња!
Тотенхем вечерва во Лондон ја забележа и четвртата победа сезонава во Премиер лигата откако со 2:1 славеше против Брајтон.
После првото полувреме играчите на Жозе Мурињо имаа позитива од 1:0, од пенал прецизен беше англискиот репрезентативец Кејн после 13 минути игра.
Во 56 минута убава акција од неколку врзани подавања на гостите која на крајот беше крунисана со погодок на Лемпти за израмнување на 1:1.
Новото засилување од Реал Мадрид, Бејл настапи од 70 минута и само 180 секунди подоцна успеа да се запише во листата на стрелците. Регилон во прав момент го пронајде Велшанецот кој со глава ја смести топката во мрежата на Санчез.
Моментно Тотенхем е на второто место на табелата со 14 бода, два помалку од водечкиот Ливерпул. Во денешната неделна програма во дербито Арсенал славеше против Манчестер јунајтед, потоа Њукасл беше подобар од Евертон (2:1), а Саутемптон како гостин ги освои трите бода кај Астон Вила (3:4).
