ВИДЕО: Барнли на интересен и страшен начин го промовираше Дарко Чурлинов
Македонскиот репрезентативец летово го напушти бундеслигашот Штутгарт и од новата сезона ќе настапува во Англија за екипата на Барнли.
Дарко Чурлинов (22) и официјално е нов фудбалер на англискиот клуб кој настапува во Чемпионшип и со кој ќе се обиде да се врати во Премиер лигата.
Неговиот нов клуб на еден интересен и страшен начин во т.н. темна опседната куќа се одлучи да го промовира нашиот играч. Чурлинов е инаку 12-то летно засилување за Барнли со кој потпиша договор на четири години.
– Се чувствувам многу возбудено што сум тука, навистина се радувам на оваа сезона што следи. Нема време за губење и навистина се радувам на утрешниот ден и на претстојните недели – рече Чурлинов за клупскиот сајт на Барнли.
Менаџерот на клубот Винсен Компани вели Дарко е напаѓачки настроен играч и менталитет кој го има во играта.
– Имаме добри односи со Штутгарт и им благодариме што ни овозможија да донесеме надежен млад играч во нашата екипа. Со нетрпение очекуваме да му посакаме добредојде во тимот и среќни сме што тој е дел од иднината во овој клуб – рече Компани.
И неговиот досегашен клуб Штутгарт потврди дека е постигнат договор со Барнли за трансфер на Македонецот на кој му се заблагодаруваат и му посакуваат среќа.
Are you afraid of the Darko? 👻 pic.twitter.com/QtPB1t7qcb
— Burnley FC (@BurnleyOfficial) August 19, 2022
— Burnley FC (@BurnleyOfficial) August 19, 2022
We have reached agreement with @BurnleyOfficial for the transfer of Darko #Churlinov. ✍️
Thank you for your service and good luck, Darko! 🙌#VfB pic.twitter.com/jVtcLgE6za
— VfB Stuttgart_int (@VfB_int) August 19, 2022
