ВИДЕО: Артуро Видал „мртов пијан“, фудбалерот на Интер едвај влезе во автомобилот
Видео на кое се гледа како фудбалерот на Интер, Артуро Видал е толку пијан што едвај стои на нозе и со проблеми влегува во автомобилот стана хит на социјалните мрежи.
Според „Гаѕета дело Спорт“, Видал е снимен во ваква состојба кон средината на август, три дена пред почетокот на натпреварот на Интер против Џенова во Серија А, и нејасно е зошто објавеното видео дури сега стана вирално.
На снимката се гледа Видал кој наводно бил толку пијан што имал проблеми со рамнотежата, па наместо да седи во автомобилот завршил тркалајќи по него, а кога го придружувале до совозачкото седиште на црвениот кабриолет, тој прво седнал во спротивна насока, со нозете на седиштата.
Истиот извор вели Интер веќе бил запознаен со ова видео и се одржа интервју со играчот во клубот.
Stasera in esclusiva dalle ore 20 su Telelombardia e Top Calcio 24 tutti i retroscena riguardanti il video su #Vidal che sta girando sui social pic.twitter.com/5qio6YgR1w
— QSVS (@QSVS_Official) October 5, 2021
Моментно Интер во Серија А на табелата се наоѓа на третата позиција со 17 бодови, четири помалку од водечкиот Наполи на нашиот Елиф Елмас. Во Лигата на шампионите составот на Симоне Инзаги не стартуваше најдобро во групата „Д“, после две кола има само еден бод, зад Шериф Тираспол на Бобан Николов со шест и Реал Мадрид со три бодови.