ВИДЕО: Аргентинските фанови бараат „правда“ за Диего Марадона
Аргентинците не мируваат после смртта на Диего Армандо Марадона, еден од најдобрите во историјата на фудбалската игра.
Во Буенос Аирес фановите организираа демонстрации пред Обелиск и бараат правда за нивниот „фудбалски Бог“. Тие се незадоволни што истрагата сè уште не ја расветлила смртта на Марадона. Тие скандираа: „Правда за Марадона“. „Тој не умре, тие го убија“.
Носеа дресови и знамиња со неговото име и лице, со навивачки песни во чест на легендата..
Fans of Diego Maradona have marched for ‘justice’ in Argentina amid investigations into how the football icon died and whether there was any negligence in his care. pic.twitter.com/4pLd9XGzzz
— Sky Sports News (@SkySportsNews) March 11, 2021
Argentines took to the streets to demand what they say is justice for Diego Maradona after the soccer icon’s death in November sparked investigations into how he died and whether there had been any negligence in his care https://t.co/CBOQd8As2O pic.twitter.com/iLLHM8m2iC
— Reuters (@Reuters) March 11, 2021
– Ние сакаме судење и казнување на виновните – се вели во еден од транспарентите.
Поранешната сопруга на Марадона, Клаудија Вилафан и нивните ќерки Далма и Џанина исто така беа на протестот.
Марадона почина на 25 ноември 2020 година во својот дом, додека се опоравуваше од операцијата на мозокот. Како официјална причина за смртта се наведува срцев удар.