ВИДЕО | Алкараз по прекинот поради инвазија од пчели издоминира против Зверев
Шпанскиот тенисер Карлос Алкараз го продолжи патот кон одбраната на титулата на Индијан Велс откако во одличен меч славеше против Александар Зверев со 2:0 во сетови (6:3, 6:1).
Мечот кој се играше на главниот терен беше прекинат скоро два часа поради инвазија од пчели, а по долгата пауза Алкараз излезе на терено посконцентриран и брзо дојде до победата. Прекинот поради пчелите траеше повеќе од самиот меч бидејќи на Алкараз за победата му беа потребни вкупно 79 минути игра.
Bee invasion suspends a tennis match in one of the biggest tennis courts in the world.
Wow. pic.twitter.com/dBXu7xRlRp
— José Morgado (@josemorgado) March 14, 2024
Алкараз во првиот сет направи брејк во четвртиот гем и не му дозволи на противникот да се врати, додека во вториот одигра доминантно и отвори со 4:0, а во продолжение Германецот освои само уште еден гем.
Во полуфиналето Алкараз ќе го има најголемиот предизвик бидејќи ќе се соочи со Италијанецот, Јаник Синер кој во 2024 година игра во одлична форма и се уште е без пораз во сингл конкуренција. Во второто полуфинале силите ќе ги одмерат Медведев и Пол.