Ракометарите на Веспрем ја одбранија титулата во СЕХА лигара откако во финалето на завршниот турнир со 32:30 го совладаа ППД Загреб.

Унгарскиот тим славеше благодарение на одличната игра во второто полувреме откако по првиот дел имаше негатива од шест гола (13:19). Ова е петти трофеј за Веспрем во СЕХА лигата со што се израмни со Вардар како најтрофејни екипи во регионалното ракометно натпреварување.

Од друга страна, ППД Загреб за кого летово потпиша Тимур Дибиров, го доживеа четвртиот пораз во петтото финале.

Во драматичното финале, пресудни беа двата гола на Расмус Лауге Шмит, прво погоди за 31:30, а потоа на 30 секунди до крајот даде гол за конечни 32:30.

Хрватскиот тим одигра одлично во првот полувреме кое го доби со 13:19, но во второто полувреме Веспрем одигра одлично. Од минута во минута ја намалуваше предноста и  во 48 минута израмни на 28:28 по што следеше возбудливиот финиш со среќен крај за Веспрем.

Омар Јахја со седум гола беше најпрецизен кај Веспрем, по пет гола дадоа Мае, Лауге Шмит и Штрлек додека во редовите на Загреб се истакнаа Чупиќ со осум и Срна со шест гола.

Третото место на завршниот турнир што се играше во Задар го освои Еурофарм Пелистер кој со 27:23 го совлада Нексе.