Екипата на Сараево успеа да ја одбрани титулата од минатата сезона, откако и официјално поради пандемијата на коронавирус заврши најквалитетното босанско првенство.

Македонскиот репрезентативец Крсте Велкоски е првиот играч во историјата на ФК Сараево кој со овој клуб успеа трипати да биде шампион на Босна и Херцеговина.

Играчите веднаш ја прославија титулата со своите навивачи, а беа и многу активни на социјалните мрежи. Помеѓу нив и нашиот напаѓач Велкоски кој испиша историја.

Освен тие трофеи, двапати се закити и со куп титулата на БиХ.

Во својата кариера има и двојна круна со Работнички во Македонија во сезоната 2007/08.