Како што информираат босанските медиуми, Комисијата за натпреварување на Фудбалската федерација на Босна и Херцеговина денеска и дефинитивно прогласи крај на сезоната во најсилната лига поради пандемијата на коронавирус.

За шампион е прогласен фудбалскиот клуб на Сараево во чии редови настапува македонскиот репрезентативец Крсте Велкоски. На тој начин клубот ја одбрани титулата и петти пат по ред се шампиони во клупската историја.

Велкоски веќе три години ги брани боите на Сараево, сезонава во босанскиот шампионат имаше два голови во 19 натпревари.

Оваа земја во Европа, освен Сараево ќе ја претставуваат уште Железничар, Зрињски Мостар и Борац Бања Лука, откако донесена е одлука да не се одигра и завршницата во Купот, во која дојдоа Железничар, Зрињски, ГОШК и Широки Бријег.

Оваа одлука на Комисијата за натпреварување треба да го потврди Извршниот одбор на босанската фудбалска федерација во наредните денови.