Во просториите на Ракометната федерација на Македонија денеска се одржа жрепката за полуфиналето во ракометниот Куп, и во полуфиналето се избегнаа најголемите фаворити, Вардар и Е. Пелистер. Вардар во полуфиналето го очекува пресметка против градскиот ривал Металург, додека Е. Пелистер во полуфиналето ќе игра против Бутел.
Во женска конкуренција Куманово ќе игра против Металург, додека Вардар го очекува пресметка со Чаир.

Вардар на патот до завршниот турнир стигна откако ги елиминираше Текстилец, Тиквеш и Радовиш, додека Металург беше подобар од Куманово, КЛ7 и Работнички. Е. Пелистер пак ги совлада Вардар Неготино, Младост Богданци и Пролет, а неговиот противник Бутел беше поуспешен од Кичево, Јуниор КВ и Охрид.

Полуфиналните натпревари се закажани за 14. мај (петок), додека финалето ќе се игра два дена подоцна на 16. мај.