Екипата на Вардар 1961 денеска во рамките од македонската ракометна Суперлига ја оправда фаворитската улога против Тинекс Пролет славејќи со 28:24.

И покрај тоа што Тинекс Пролет во своите редови ги немаше Пецаковски и Василевски, како и повредениот пивот Николовски, на крајот и со лимитиран ростер дојде до пристоен пораз.

Одличен старт имаа играчите на тренерот Темелковски со водство од 3:1, а подоцна и од 4:2. Ситуацијата на теренот се промени по исклучувањето на Стојановски, по кое Вардар набрзина постигна три гола во серија и поведе со 5:4.

Тинекс Пролет не се предаваше, умешно парирате, играјќи во егал (8:8). Следуваше голем пад во играта на Тикенс Пролет откако во последните 10 минути од првото полувреме не успеа да постигне ниту еден гол при негатива од 10:11. Тоа го искористи Вардар кој имаше нова низа на погодоци и на пауза замина со предност од 17:10.

Проблемите со загубените топки во нападот на Тинекс Пролет зачестија, па Вардар со неколку лесни голови од контранапад поведе и со 23:15 „Црвено-црните“ ја одржуваа позитивата крајот на мечот, а ракометарите на Тинекс Пролет само намалија нешто од негативата во завршните минути.

Во победничките редови шест голови постигна Лазаревски, по пет Ѓукиќ и Петриќ, а за поразениот Арсеновски, Андоновски и Димовски имаа по пет погодоци.

Во групата „Б“ Вардар 1961 се врати на првото место со 27 бодови, додека Тинекс Пролет е четвртопласиран со 15. Се одигра еден меч и во групата „А“, Охрид со 33:25 триумфираше над Куманово. Охрид по седмата победа сезонава е на третото место со 21 бод, додека Куманово после деветтиот пораз е седмопласиран со еден бод.