Уште една победа на Звезда во драматичен натпревар во Евролигата
Црвена Звезда како да се претплати на трилер завршница во новата сезона од Евролигата.
Вечерва шампионот во АБА лигата против Макаби ја забележа третата победа во низа со 69:68. Црвена Звезда покажа дека има квалитет, а тренерот Душко Ивановиќ им ја даде потребната самодоверба на кошаркарите дека можат да победат и кога е тешко. Така беше против Асвел и Алба и сега против Макаби.
Добро тргна Звезда, одличната атмосфера ги мотивираше црвено-белите, па по првите 10 минути имаа предност од девет поени. Сепак, втората четвртина му припадна на Макби и Звезда постигна само девет поени.
Добрата игра Звезда ја врати во третата четвртина и дојде до три поени негатива. Во последната четвртина избраниците на Ивановиќ одиграа колку што е потребно за да дојдат до победата, меѓутоа треба да се каже дека и среќата беше на нивна страна.