Европската агенција за лекови (ЕМА) одобри уште два лека за лекување на Ковид-19.

Ксевуди (Xevudy) и Кинерет (Kineret) се препорачуваат за употреба, соопшти ЕМА. Комисијата на ЕУ допрва треба да даде конечно одобрение, но тоа се смета за формалност.

Ксевуди од производителите Глаксо Смит Клајн (GlaxoSmithKline) и Вир Биотехнолоџи (Vir Biotechnology) може да спречи влошување на симптомите кај пациенти на возраст од 12 години и постари. Лабораториските студии покажаа дека Ксевуди е ефикасен и против варијантата Омикрон. Експертите од ЕМА веќе дадоа позитивно мислење за лекот и тој е веќе пропишан за употреба во некои земји-членки на ЕУ.

Кинерет на шведскиот производител Орфан Биовитрум АБ (Orphan Biovitrum AB) е веќе одобрен во ЕУ како третман за други воспалителни состојби. Според ЕМА, лекот може да го намали воспалението и да спречи сериозно оштетување на дишните патишта кај пациенти со Ковид-19.

Еврокомесарката за здравство Стела Киријакидес ги поздрави препораките на ЕМА.

Извор: МИА