Полицијата во Шпанија со помош на Европол разби банда која водела три нелегални фабрики за цигари, во кои украински бегалци работеле во лоши услови, објави денеска Би-би-си, пренесува Политика рс.

Според извештаите, откриени се фабрики во три региони на Шпанија, а 27 лица се уапсени. Групата наводно шверцувала големи количини тутун, а фабриките можеле да произведуваат повеќе од половина милион кутии цигари дневно, кои се продавале низ Шпанија и во странство.

Полицијата соопшти дека Украинците, кои побегнале од руската инвазија, живееле во монтажни засолништа во фабриките, а работеле долги часови и не излегувале надвор за да не бидат откриени, бидејќи некои илегално влегле во Шпанија.

Во меѓувреме, челниците на организацијата уживаа во луксузниот живот. За време на рацијата, властите заплениле тутунски производи во вредност од 37,5 милиони евра, луксузни возила, накит и големи количини готовина. Според Обединетите нации, има речиси осум милиони регистрирани украински бегалци низ Европа кои побегнале од руската инвазија, а повеќе од 160.000 се регистрирани во Шпанија.