Украина го крена своето знаме на Змискиот остров
Украинските сили го кренаа своето знаме на повторно заземениот остров во Црното Море во симбол на отпорот против Москва, иако руските сили ги консолидираа придобивките во источна Украина и ја испитаа одбраната на потенцијалните нови цели.
Москва брзо одговори на украинската церемонија каде беше подигнувато знамето. Од Москва велат дека еден од нејзините воени авиони го погодил Змискиот остров и уништил дел од украинскиот одред таму, пишува Ројтерс.
Малиот остров, кој се наоѓа на околу 140 километри јужно од украинското пристаниште Одеса, е стратешки важен бидејќи ги чува морските патишта. Русија го напушти на крајот на јуни во, како што рече, гест на добра волја – победа за Украина за која Киев се надеваше дека може да ја олабави блокадата на Москва на украинските пристаништа.
Сликите објавени од Министерството за внатрешни работи на Украина покажаа тројца украински војници како го креваат сино-жолтото национално знаме на површина на Змискиот остров покрај остатоците од срамнета зграда.