УЕФА нема да доделува свои награди, се вклучува во организацијата за „Златната топка“
Од наредната година УЕФА ќе се вклучи во организацијата и доделувањето на „Златната топка“ кој досега ја доделуваше само „Франс Фудбал“ во своја организација.
УЕФА повеќе нема доделува свои награди туку ќе се вклучи како ко-организатор. Договорот за соработка е потпишан на седум години. Во минатото ФИФА учествуваше во доделувањето на оваа престижна награда со долга традиција, а сега истата ќсе доделува во соработка со европската куќа на фудбалот.
Досега церемонијата се одржуваше само во Париз, но сега ќе бидат вклучени и други големи европски градови. Исто така ќе се воведат и награди за најдобар тренер во машка и женска конкуренција.
„Ова е соединување на двата најдобри бренда во фудбалот. Од една страна „Златната топка“, а од друга страна УЕФА која го има најдоброто натпреварување во светот. Поради тоа имаше и смисла да работиме заедно. Сите фудбалери сонуваат да ја освојат Лигата на шампионите и „Златната топка““, изјави првиот човек на УЕФА, Александар Чеферин.
Последната „Златна топка“ во понеделникот заврши во рацете на Лионел Меси, а оваа награда се доделува уште од 1956 година.
✨ @ballondor x UEFA ✨
🤝 From 2024, we will co-organise the most prestigious award ceremony in football, honouring the finest players of our sport alongside Groupe Amaury.
We will also introduce a new #ballondor award for Men’s and Women’s Coach of the Year.
More: ⬇️
— UEFA (@UEFA) November 3, 2023