Полициски службеници лишиле од слобода скопјанец за доиздржување на затворска казна, соопшти денеска Министерството за внатрешни работи.

Вчера во 18.45 часот од страна на полициски службеници од Секторот за меѓународна полициска соработка – Одделение потраги, на булеварот „Мајка Тереза” во Скопје, бил лишен од слобода Р.К.(36) од Скопје, по добиена судска наредба, заради доиздржување на затворска казна во Казнено-поправната установа затвор „Идризово“.

За Р.К. била распишана централна потерница за лице осудено на вкупно 10 години и 9 месеци казна затвор, се вели во соопштението на Министерството.

Лицето е предадено во полициска станица Центар за понатамошна постапка, по што ќе биде спроведено во затворот „Идризово“ за доиздржување на казната.