Турската опозиција и медиумите вчера остро ја нападнаа и критикуваа хуманитарната организација Црвена полумесечина дека продавала, место да дели, шатори на настраданите од катастрофалниот земјотрес на 6 февруари, што ја опустоши југоисточна Турција.

Според дневниот весник „Џумхуриет“, што ја откри ваквата пракса, турската Црвена полумесечина продала 2.050 шатори на невладиното хуманитарно здружение „Ахбап“ за 46 милиони турски лири (2,2 милиони евра).

Тие шатори беа испратени во подрачјата погодени од земјотресот, напиша вчера оваа невладина организација на Твитер.

Претседателот на турската Црвена полумесечина, Керем Киник, на Твитер потврди дека Кизилај Кадир, подружницата на Црвената полумесечина задолжена за производство на шатори, и испорачала засолништа на невладината организација „Ахбап“ „по цена“.

-Соработката меѓу Црвената полумесечина и „Ахбап“ е морална, разумна и етичка, изјави Киник.

Bu Ulusal Kan Güvenliğini tehlikeye atacak sorumsuz ve temelsiz bir itham.

Lütfen hemen tashih edin ve sorumlu bir gazeteci gibi davranın. Kan ticarete konu edilemez. Kan Bankacılığının maliyetini SGK Kızılay’a ödenmek üzere ilgili hastaneye öder.https://t.co/2s4di2ivEs https://t.co/rsfVjkIVS5

— Kerem Kınık (@drkerem) February 26, 2023

Но, неговите изјави дополнително ги налутија медиумите и социјалните мрежи.

-Најголемата турска хуманитарна организација, Црвената полумесечина, продаваше шатори место бесплатно да ги дели на оние на кои им е потребна додека луѓето молеа за шатор три дена по земјотресот. Тоа е скандал, изјави Мурат Агирел, новинар на „Џумхуриет“ кој ја откри аферата.

Турската влада беше обвинета дека не дистрибуирала доволно шатори или хуманитарна помош или не испратила доволно спасувачки тимови во деновите по земјотресот.

Во спасувањето голем дел од товарот го понесоа невладините организации, меѓу кои и „Ахбап“ и бројни волонтери.

Црвената полумесечина тесно соработува со турските власти и добива официјални донации во бројни кампањи.

Неколку истакнати опозициски лидери побараа оставка од претседателот на Црвената полумесечина.

„Срам да ви е“, објави на Твитер Мерал Акшенер, претседателката на националистичката партија Ији.

"İyiliğin gücüyle insanın ve toplumun onurunu korumak, dirençliliğini arttırmak ve ızdırabını dindirmek için çalışmak" anlayışıyla kurulan Türk Kızılay'ını;

Paranın gücüyle insanını yalnız bırakan, binbir dümen kurup içini boşaltan bir anlayışa mahkûm ettiniz.

Yazıklar olsun!

— Meral Akşener (@meral_aksener) February 26, 2023

Турскиот претседател Реџеп Таип Ердоган изминатата недела ги обвини оние кои ја критикуваа Црвената полумесечина дека се „нечесни и злобни“.

Претседателот на водечката опозициска партија, Кемал Киличдароглу, на Твитер му одговори: „Ердоган, ги навредивте жртвите од земјотресот поради Црвената полумесечина“.