Министерството за внатрешни работи информираше дека на вчерашниот дерби натпревар меѓу МЗТ Скопје и Работнички биле приведени тројца навивачи. Иако средбата помина во добра атмосфера и без поголеми инциденти, сепак биле забележани неколку прекршувања.

„На 29.03.2026 во 19:30 часот во Скопје, во Спортскиот центар „Јане Сандански“, каде се одржувал кошаркарски натпревар меѓу КК МЗТ Скопје и КК Работнички – Скопје, полициски службеници од СВР Скопје ги приведоа Д.Н.(45), Ф.С.(18) и А.Б.(46), сите од Скопје, затоа што Д.Н. и А.В. фрлале предмети во салата, а Ф.С. носел „пејпер“ спреј“, соопшти МВР.

Од полицијата додаваат дека по целосното документирање на случајот против лицата ќе бидат поднесени прекршочни пријави согласно Законот за спречување на насилство и недостојно однесување на спортските натпревари.