Трамп: Во животот не сум се чувствувал попонижен
Поранешниот американски претседател Доналд Трамп вели дека поради катастрофата која се случила во Авганистан, неговиот наследник Џо Бајден ги понижил САД како никој досега, пренесува Блумберг.
„Ова е ужасно време за нашата земја. Мислам дека сите овие години нашата земја не била волку понижена. Не знам како да го наречам ова, дали како воен пораз или психилошки пораз“ изјави синоќа Доналд Трамп.
Трамп ја спореди оваа состојба со иранската заложничка криза во 1979-та година и запраша дали актуелната администрација на САД со своите одлуки ќе придонесат потежок развој на настаните, бидејќи талибанците со своите пунктови се присутни на аеродромот во Кабул, а таму имало и голем број случаи за разни насилства врз Авганистанците.
Тој изјави дека сцените каде беа забележани Авганистанци како висат од воените авиони на САД, претставуваат поголемо понижување отколку евакуацијата на американската амбасада во Сајгон во 1975-та година.