Американскиот претседател Доналд Трамп изјави дека е подготвен да разговара со венецуелскиот претседател Николас Мадуро, во време кога се појавуваат медиумски извештаи за можна воена акција на САД против латиноамериканската земја, објави УСА тудеј.

„Да, можеби ќе разговарам со него, разговарам со сите“, рече Трамп на состанокот на работната група вклучена во подготовките за Светското првенство во фудбал во 2026 година.

Сепак, американскиот претседател нагласува дека Мадуро „нанел ужасна штета“ на САД, првенствено поради големиот прилив на поранешни затвореници и трговци со дрога за кои тврди дека влегле во земјата од Венецуела. Ова, оцени тој, е „вистинска катастрофа“ за САД.

Трамп изјави дека Мадуро ги „испразнил своите затвори“, како што вели, „други земји го направиле тоа претходно“.

Во исто време, медиумите објавија дека венецуелскиот претседател се обидува да воспостави контакт со Трамп преку повеќе комуникациски канали, во време кога дискусиите се интензивираат во САД за можноста за воена операција против Каракас.