Тони Надал знае зошто не го сакаат Ѓоковиќ како Рафа и Федерер
Годинава, Србинот го собори рекордот по број на недели на врвот на АТП листата, а заедно со Шпанецот и Швајцарецот, тој е на врвот на вечната листа по бројот на освоени грен слем турнири.
Но, често се зборува дека фановите не го поддржуваат толку Србинот колку неговите најголеми ривали.
Шпанскиот стручњак Тони Надал има свој одговор на прашањето зошто најдобриот светски тенисер Новак Ѓоковиќ не го сакаат толку како Рафаел Надал и Рожер Федерер.
– Тој беше под влијание на фактот дека се појави кога веќе имаше големо ривалство помеѓу Рожер и Рафа. Тие двајца претставуваа два спротивни стила, две различни патеки и тоа е она што ги привлече луѓето.
Исто така, Новак го „изневери“ своето его во одредени моменти, кога покажа однесување на теренот кое не личи на број еден – објасни Тони Надал, инаку вујко и поранешен тренер на Рафа Надал.