Македонските кошаркарски екипи Куманово и ТФТ треба да победат три екипи на турнирите кои ќе се одржат во периодот од 28 септември до 1 октомври 2021 година за пласман во главната рунда од ФИБА Европа купот.

Освен што ги добија четвртфиналните ривали, нашите претставници во ова натпреварување сега знаат и со кого би вкрстиле ако ги поминат првите пречки.

Речиси сите клубови кои учествуваат во ФИБА Европа купот доаѓаат од лиги кои се посилни од македонската, а со тоа и ривалите се поквалитетни.

Кумановци прво ќе играат со австрискиот тим Гмунден и ако го поминат ќе се сретнат со холандскиот Гронинген. Евентуален триумф и таму ќе ги однесе во финале со најтрофејниот португалски клуб Бенфика или актуелниот освојувач на Купот на Романија, Волунтари.

4️⃣ teams can book their tickets to the #FIBAEuropeCup Regular Season through the Qualifiers. Who'll it be? 🎟️

📅 September 28 – October 1

📰 https://t.co/udkqNeXDo9 pic.twitter.com/lBhiZmg2WE

— FIBA Europe Cup (@FIBAEuropeCup) August 19, 2021

ТФТ има подеднакво тешка задача, прво ќе игра со Натуртекс од Унгарија, а доколку победи, ќе се сретне со германскиот Меди Бајројт. Триумф и во оваа рунда ќе значи финале со подобриот од пресметката меѓу Енисеј од Русија и Хапоел Хаифа од Израел.

Во претстојниот период ќе се знаат и клубовите кои ќе ги организираат четирите квалификациски турнири.