Поранешниот француски премиер и градоначалник на градот По, Франсоа Бајру (74), денеска е хоспитализиран поради многу тежок облик на грип, кој бара медицинско следење, соопшти градското собрание.

Бајру, кој беше премиер од декември 2024 до септември 2025 година, е пренесен во болница во градот По, пренесува Политика.

„Неговата здравствена состојба се подобрува, но бара следење од страна на медицинските тимови уште неколку дена. Поради тоа, тој нема да може да учествува во работата на општинскиот совет овој понеделник, ниту во работата на советот на заедницата закажан за четврток“, се наведува во соопштението.

Бајру на еден собир во По на 5 декември изјави дека има грип.

Како што се наведува, според билтенот на Јавното здравство на Франција од 10 декември, активноста на грипот на почетокот на декември во земјата била „во нагол пораст“, а сите регионални области преминале на ниво на епидемиска подготвеност, со исклучок на Корзика.